sábado, 14 de diciembre de 2013

Azkeneko hausnarketa

Nola ikasten da MOOC-etan?

MOOC-etan (Massive Open Online Course edo Online Ikastaroa Masiboa eta Irekia) gai baten inguruan interesa duen jendea elkartzen da. Horren bidez, bakoitzaren ezagutzak partekatzen dira, gai horri buruz ezagutza berriak ikasten dituzten bitartean.
Ikasleek ikastaroa jarraitzeko bide desberdinak dauzkate eta bakoitzaren askatasuna errespetatzen da. Badago hasiera eta bukaera data, baino horien artean bakoitzak bere erritmoa darama. Horrela, ikasleak ikasketa indibiduala eramaten du aurrera. Hala ere, kooperazioa eta kideen arteko laguntza oso garrantzitsuak dira.

Nolakoa izan behar du MOOC bat arrakastatsua izateko?

Mooc-en ezaugarri nagusiena dohainik izatea da. Hala ere, beste ezaugarri asko ditu: Online izatea, irekia, matrikulazio mugarik ez izatea, ...
Horretaz gain, erabilera argia izan behar du. Erabiltzaileek edo ikasleek ez dituzte zailtasun handirik izan behar ikastaroa jarraitzeko. Jarraitzeko irizpideak ulerterrazak izan behar dira.
Bestalde, MOOC-eko zuzendariek eta plataforma bera, informazio nahikoa eman behar dute eta erabiltzaileen premiei erantzuteko hainbat baliabide eta informazio eskaini behar dute.
Azkenik, kontuan hartu behar da erabiltzaileek ez daudela ikastaroa egitera behartuta. Hori dela eta, ikastaroan zehar etekina atera dutela eta erabilgarria iruditu zaiela pentsatu behar dute. Horregatik, gaia lantzera eta horren inguruan nahiko informazio eta baliabide ematera mugatu behar da.

Zer nolako garantia eta funtzioa dute sare sozialek MOOC-en bidezko ikasketan?

Hasieran azaldu dudanez, MOOC-etan partaideen arteko informazio eta ezagutzak partekatzen dira. Hori dela eta, sare sozialak eta foroak ezinbesteko garrantzia dute. Horien bitartez informazioa elkar trukatzen da eta partaideen arteko ezagutza sustatu egiten da.
Sare sozialen bitartez, beste herrialde baten dagoen pertsona batekin ezagutzak partekatu ditzakezu eta elkarrengan gauzak ikasi. Ikastaroko zuzendariek ere parte hartzen dute eta behar izanez gero, gauzak azaldu edo argitzen dituzte.

lunes, 9 de diciembre de 2013

Glogster

Mooc-en inguruan egindako Glogster-raren esteka uzten dizuet. Zuen gustukoa izatea espero dut!

http://leirehdez.edu.glogster.com/mooc

lunes, 2 de diciembre de 2013

Web gune interesgarriak

Web gune interegarriak

Google

Google oso web gune interesgarria iruditzen zait. Aukera asko ematen dizu eta horretan kontu bat irekiz gero, gauza ezberdinak egiteko aukera asko ematen dizu. Horrela, gmail erabiliz, zure posta kudeatzeko aukera daukazu. Google books-en bidez, liburuak bilatzeko eta eskuragarri daudenak irakurtzeko aukera duzu. Bestalde, Google news erabili dezakezu berriak irakurtzeko. Azkenik, Google Academics-en bidez maila akademikoan eskuragarri dauden dokumentuak bilatu eta eskuratu ditzakezu. Hauetaz gain, beste ekintza asko eraman ditzakezu aurrera. Esaterako, Blogger-en bidez blog bat sortu. Eta denak dohainik!





Dropbox

Dropbox ere oso tresna erabilgarria dela uste dut. Gauzak "nube"-an gordetzeko eta besteekin partekatzeko aukera ematen dizu. Horrela, edonon zaudela kontsultatu ditzakezu eta guztiek elkarrekin, leku berean egon gabe, gauzak eraldatu daitezke. Aukera asko ematen ditu lan-taldeak egiteko eta informazio guztia antolatzeko, kudeatzeko eta konpartitzeko.






Twitter

Twitter pertsonen arteko komunikazioa sustatzeko eta informazio konpartitzeko herraminta erabilgarria da. Honen bidez beste pertsonekin zure iritzia eta pentsamenduak partekatu ditzakezu eta besteek egindako sarreretan komentarioak utzi ditzakezu.




Youtube

Azkenik youtube aipatuko dut. Twitter-en bidez informazioa partekatu dezakezun bezala, youtube-en bidez bideoak konpartitu ditzakezu.
Gainera, zure kontua erabili dezakezu igo dituzun bideoak eta gustoko dituzun bideoak kudeatzeko, gordetzeko eta berriro ikusteko edo moldatzeko. Honetan ere besteen komentarioak jaso ditzakezu, baina aukera hau kentzeko aukera ere badaukazu.




PLE ezberdinak aztertzen

PLE siglek "Personal Learning Enviroment" esan nahi dute. Sistema hauen bidez ikasleek bere ikasketa prozesuaren kontrola eta kudeaketa hartzen dute. 

Bakoitzak bere helburuak, edukiak eta herramintak aukeratzen ditu eta horren bidez bere ikasketa prozesuan besteekin komunikatzen da.

PLE hiru ezaugarrietan oinarritzen da:


  • Informazio iturriak.
  • Moldifikazioa eta erreflexioa.
  • Norekin ikasi du.



PLE hau David Alvárez-ek egin du. Android sisteman erabili ditzakegun aplikazioei buruz egiten du erreferentzia. Agertzen diren aplikazioak zeintzuk diren eta hauen artean eman daitezkeen loturak oso argi daudela uste dut.
Horretaz gain, mugikorretik zein ordenagailutik erabil daitezkeen aplikazioak (dropbox, evernote) aipatzen ditu eta irudi batekin argi uzten du haien arteko lotura.
Dena den, beste aplikazio asko kanpoan utzi dituela uste dut. Berarentzako erabilgarrienak direnak azaltzera mugatu da, beste hainbat aplikazio aipatu gabe.





Bigarren PLE hau David Hopkins-ek egin du. Oso adierazgarria iruditzen zaidalako aukeratu dut. Asko gustatu zait aplikazioak, bilatzaileak eta hauen erabilgarritasuna adierazteko erabili dituen irudiak. Post it-ak erabiliz hauekin egin daitezkeen ekintza guztiak adierazi ditu, nahiko argi irudien bidez.
Bestalde, aplikazioen sinboloak ipinita berehala identifikatzen dira zeintzuk dire eta gauza bera gertatzen da nabigatzaileekin.
Alde negatiboari begira, aplikazio bakoitzak zertarako erabili daitekeen azaltzen ez duela aipatuko nuke. Gainera, beste aplikazio erabilgarri eta interesgarri batzuk (dropbox, evernote, etab.) ahazten ditu.





Azkenengo PLE hau Mohsen Saadatmand egindakoa da. Aukeratutako hiru PLE-tatik gehien gustatu zaidana da. Oso modu argian antolatuta dagoela uste dut, erabilgarritasun bakoitzaren arabera zein aplikazio edo programa erabil daitezkeen azalduz.
Gainera, beste biak baino herraminta gehiago hartzen ditu kontuan eta horrek gure ikasketa prozesua errazten duela uste dut. Horregatik izan da gehien gustatu zaidana: modu argi eta adierazgarrian behar dudan informazio guztia adierazten duelako, irudi bakar baten bidez.

sábado, 10 de diciembre de 2011

Umeen marrazkietan kontuan hartu beharrekoa



Umeen marrazketa lehenengo etapetan kontuan hartzekoa edo ebaluatu beharrekoa hurrengoa izango litzateke:

- Arkatza eta margoak hartzen dituen modua:

  Modu erlaxatuan hartu behar ditu, tentsioa adieraziz gero, marrazketaz ez duelako disfrutatuko. Nola hartu behar diren azaldu behar diegu, baina lehenengo aldietan modu librean jokatze utziz.

- Begirada eta jarrera:

  Marrazteko motibatuta dagoen ala ez ikusi behar dugu. Nahita marrazten duen edo beste edonora begira dagoen margozten duen bitartean. Motibatuta ez badago, hobe beste momentu batera uztea.

- Erabiltzen duen espazioa:

  Paperean erabiltzen duen espazioa analizatzeak gauza asko esan diezaguke. Adibidez, paperaren espazio osoa erabiltzeak, konfiantzaren adierazle izan ohi da. Bestalde, paperaren zati mugatu batean margozteak, lotsa edo introbertsioa adierazten dute.

- Trazoa:

  Trazoa segurtasunez eta konfiantzaz egiten bada, esperimentatzeko gogoak adierazten ditu. Bestalde, trazoan tentsioa edo gehiegizko abiadura nabarmentzen denean, kontrol faltaren adierazle izan ohi dira.

- Forma:

  Umeen marrazketa hasieran forma zuzenak erabiltzen dituzte, geroago borobilduetara joz. Horrela, forma zuzenak (paperaren alde batetik bestera) egiten jarraitzen duten umeek, inpultsoen kontrol falta edo kanpoekiko agresibitatearen adierazle izaten dira. Bestalde, forma borobilduetara jotzen duten umeek, euren buruarenganako kontrol gehiago duten umeak izan ohi dira eta atxikimenduzko pertsonarenganako lortura afektibo handiagoa dutenak.

Umeen marrazkien garapena

Umeek margo bat hartzen duten lehenengo aldiz, normalean urte eta erdi inguru izaten dute. Lortutako emaitza ez da argia izango. Ziriborroaren antzera hartuko du eta ez du helburu zehatz bat izango. Haurrek, momentu honetan, margozteagatik edo honek ematen duen plazerragatik egiten dute, baina inolako helburu zehatzik izan gabe.



Ni urtetik aurrera, umeak trazoak egiten hasiko dira. Hasiera batean ziriborroen antzera izango dutelarik, baina multzoetan banatzeko gaitasuna izango dute eta inguratzen dien munduaren lehenengo errepresentazioak izateko saiakerak izango dira askotan.



Bi urte eta erditik aurrera, umeak borobilak eta makilak egiteko gai izaten hasiko da. Horrela, margozten dituen gauzak errealitatearen antzera hartuko dute, baina ez gara beti identifikatzeko gai izango.



Hiru urterekin, objektuak eta pertsonak identifikatzen dituzten lehenengo formak agertzen dira. Kasu hauetan, marrazkiak zerbait komunikatzeko intentzio argia izan ohi du. Gizakiaren lehenengo zirriborroak agertzen dira, oraindik burua eta hankekin bakarrik. Umearentzat interegarriak diren beste objektu batzuk ere agertzen hasi daitezke (Autoak, autobusa, etxea, eta abar).



Hiru eta lau urte bitartean, gizakiaren forma sendotzen hasten da. Gorputza eta besoak gehitzen dituzte euren formei eta burua, askotan, gorputza baino askoz ere handiagoa agertuko da. Begiak ere oso handiak agertzen dira kasu hauetan. Ume zorrotzetan, ilearen agerpena ere eman daiteke.



Bost urterekin, psikomotrizitatearen garapena dela eta, umeak gizaki formak asko hobetzen dituzte. Begiak eta ahoa agertzen dira. Belarriak eta sudurra geroago agertuko dira. Momentu honetan, bereizketa egiteko gai dira, pertsona bakoitzaren elementu edo ezaugarri adierazgarrienak bereiztuz. Hau, bere inguruko munduaren pertzepzioaren proba da.



Bost eta sei urte inguruan, umearen marrazkia konsolidatu egin da. Ume bakoitzak bere trebetasunaren arabera eta forma pertsonalarekin. Paperean objektuak elkarri eragiten diote eta umearen sentipenak adierazten hasten dira. Dena den, kontu handiz egin behar dira interpretazio hauek, ume guztiak ez baitute modu berdinean sentitzen dutena espresatzen.





Musikaren erabilera hezkuntzan

Azken urteotan ikusi ahal izan dugu nola erabiltzen den musika gure eskoletan, bai Haur Hezkuntzan, bai Lehen Hezkuntzan.



Argi dago umeek musika gustoko dutela eta ondo aritzen direla abesten eta dantza egiten musika entzun bezain laster. Musika, giroa animatu edo lasaituz gain, beste hainbat funtzio izan ditzake. Hauen artean, haurren estimulazioa aurkitzen dugu.

Txikitatik, hain zuzen ere, amaren sabelean gaudenetik, kanpoko soinuak entzuten hasten gara eta momentu horretan, ere, gustoko ditugun soinuak beste soinuetatik bereizteko gaitasuna badugu. Horrela, oso garrantzitsua izan ohi da umeak txikitatik musikaren bidez estimulatzea.

Honek ez du esan nahi denok musikariak izango garenik, baina argi dago gizakiok musika erabiltzen dugula askotan gure sentimenduak adierazteko edo egoera batean laguntzeko edo erlaxatzeko. Gezurra badirudi ere, 2-5 urte bitarteko umeek musikaren bitartez psikomotrizitatea lantzen dute: dantzatzerakoan, instrumentuak erabiltzen ikasterakoan, eta abar. Eta nagusiagoak ere abantaila asko aurkitzen dituzte musikaren erabilpenean.
Zentzu erritmikoa eta entzutezko garapena ematen da musikaren erabileraren bitartez, gorputz adierazpena askotan ere erabiltzen delarik. 


Bideo honetan agertzen den moduan, ez dira sailak musikaren estimulazioan erabil daitezkeen teknikak. Beraz, eskolan erabili ditzakegu eta askotan ere, gurasoei laguntza eskaini etxean ere erabiltzeko.